الشيخ امام

كلمات اغنية القضية – الشيخ امام

كلمات اغنية القضية – الشيخ امام مكتوبة وكاملة

الحكاية والرواية

و القضية والجناية

و الفانلة ف الجونلة

و المخدة ف الملاية

و الارادة

بالشطارة

و الخسارة

ع التكايا

و الأمين مهلباتي

و الأمانة مهلباية

و الصحافة مهلبية

و الاذاعة يا ضناية

ألف ليلة وليلة تندب

ع الهوى

و تقول هوايا

و المشايخ كل شايخ

ف الفساد

يهدي الهدايا

و القناعة

للجواععى

و البضاعة

للهبايا

و البوليس ف اليغمة طايح

بالطبنجة و العصاية

ديب غريب

من غير كمامة

يهبش التوب و العباية

و القضية

يا قضايا

بالمكايد و الوشاية

دبروها و فصلوها

بالمقاس

لبست قضايا

و العدالة بالندالة

عطلوها و هي جاية

و الحكاية و الرواية

و القضية و الجناية

الحكاية عايزة قعدة

و الكلام

ملوش نهاية

 

الحكاية ان البلد

مش ملك ناسها

و الخلايق ف البلد

مش مالكة راسها

و البلد أصلا

بلدنا مش عليلة

البلد علتها جاية

من خرستها

 

شوف يا صاحبي

ما انت شايف كل حاجة

بس خايف

 

الحقيقة بنت كلمة

و الكلام لازم يدور

سندباد مواله عالي

ف المداين .. و الكفور

الكلام الكلام

يكسر القيد و اللجام

الكلام الكلام

يدفع الناس للأمام

شوف يا صاحبي

هي كلمة

دايرة ف وسط الزحام

 

البلد مش عايزة قعدة

و كل منهو بكلمتين

البلد عايزة المجاهدة

باللسان

و بالادين

كلنا و من غير معهادة

للبلد علينا دين

يكبسونا

يحبسونا

يضربونا كرباجين

البلد سامعة و شاهدة

و كل خرم قصاده عين

 

تابعنا على الفيسبوك .. تابع جديد الاغاني

شارك اغنية القضية – الشيخ امام على مواقع التواصل ودع الناس تعرف روعة احساسك وذوقك

اكتب تعليق ودع العالم يعرف رأيك في كلمات القضية – الشيخ امام

شاهد ايضا

كلمات اغنية كل حاجة بينا – تامر حسني

كلمات اغنية ويح المنية كم جنت أوزارا – ابراهيم الأسود

كلمات اغنية أهيم إلى العذب من ريقه – ابن القيسراني

كلمات اغنية أبسئلك – سعد علوش

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق