عبدالحليم حافظ

كلمات اغنية جبار – عبدالحليم حافظ

كلمات اغنية جبار – عبدالحليم حافظ مكتوبة وكاملة

جبار .. جبار

في رقته جبار

جبار .. جبار

في قسوته جبار

خدعتني ضحكته

وخانتني دمعته

وما كنتش أعرف قبل النهارده

إن العيون دي تعرف تخون بالشكل ده

ولا كنت أصدق قبل النهارده

إن الحنان يقدر يكون بالشكل ده

جبار .. جبار

عرفته قد ما عرفته ولا عرفتوش

وشفته قد ما شفته ولا فهمتوش

كان بيقوللي أحبك .. أيوه كان بيقول

وأنا من لهفة قلبي صدقته على طول

كنت أشوف وأسمع وأحس بقلبه هو

كنت عايش مش عشاني عشانه هو

وما كنتش أعرف قبل النهارده

إن العيون دي تعرف تخون بالشكل ده

ولا كنت أصدق قبل النهارده

إن الحنان يقدر يكون بالشكل ده

جبار .. جبار

يا معلمني الحب ياريتني

ياريتني ما تعلمته معاك ولا شفته

ليه تخدعني ليه خليتني

خليتني أنسى الدنيا وأعيش بحلاوته

ده ما كانش في تنين زينا شافوا اللي شفناه في حبنا

الحلم كنا بنحلمه ونكمله من بعضنا

ليه تصحيني في وسط الجنة بنار ودموع

كنت إرحمني وسيبني شوية أعيش مخدوع

وما كنتش أعرف قبل النهارده

إن العيون دي تعرف تخون بالشكل ده

ولا كنت أصدق قبل النهارده

إن الحنان يقدر يكون بالشكل ده

جبار .. جبار

قلبي قول للحب إبعد عن طريقي

أي حب جديد ياويله من حريقي

لو ح أصادف قلب مخلص

مش ح آمن له وأصونه

وإن ضحك في عينيه ح أضحك

وأخدعه ويمكن أخونه

زي غيرنا ما باع

نبيع عمر الهوى وعهده

زي قلبي ما ضاع

تضيع كل القلوب بعده

ولا أقول لك .. لا يا قلبي

ليه نلوم على الحب ليه

ده اللي خانك خان شباب الحب

خان وجار عليه

يعني أنا والحب وإنت

كنا لعبة بين إيديه

وما كنتش أعرف قبل النهارده

إن العيون دي تعرف تخون بالشكل ده

ولا كنت أصدق قبل النهارده

إن الحنان يقدر يكون بالشكل ده

جبار .. جبار

 

تابعنا على الفيسبوك .. تابع جديد الاغاني

شارك اغنية جبار – عبدالحليم حافظ على مواقع التواصل ودع الناس تعرف روعة احساسك وذوقك

اكتب تعليق ودع العالم يعرف رأيك في كلمات جبار – عبدالحليم حافظ

شاهد ايضا

كلمات اغنية فلو كان ما يعطي رياء لأمسكتْ – حاتم الطائي

كلمات اغنية قلبي سهران – ايوان

كلمات اغنية جاء الكتاب وأصدق – جبران خليل جبران

كلمات اغنية أدنى اشتِياقِي أنْ أبِيتَ عَليلا – ابن الخياط

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق